Racing Team – energııa únemdeıtin tehnologııalardy ázirleıtin alǵashqy komanda. Joba jetekshisi, komanda kapıtany jáne negizin qalaýshy Álibek Ibraımniń aıtýynsha, bıyl Shell Eco-marathon qatysý sharttary men standarttary qıyndaǵanyna qaramastan, Sátbaev ýnıversıtetiniń komandasy tehnıkalyq baıqaýdan súrinbeı ótip, jarys alańyn úsh ret aınalyp, úzdik nátıje kórsetti.
Bıyl 16 elden 50-den astam komanda qatysqan energııa únemdi kólikter sherýi álemge áıgili «Formýla-1» halyqaralyq Lusail Race Track jarys jolynda ótken.
Komanda elektromotor qurastyrýda negizgi bólshekterdi jasaý úshin qaıta óńdelgen plastık jáne 3D prıntermen qosa, ınnovasııalyq tehnologııalardy paıdalanǵan. Bul jobaǵa ár fakýltetten stýdentter qatysyp, bilgen bilimderin ortaǵa salýynyń nátıjesinde erekshe jarys kóligin qurastyrdy. Jobaǵa Shell Kazakhstan kompanııasy bas demeýshilik etse, jańa kólikti ázirleýge Tesla Kazakhstan kompanııasy qoldaý kórsetip otyr.
Osylaısha Racing Team komandasy ázirlegen TOQ prototype 4.0 jarys mashınasy 1 kVt energııamen 205 shaqyrymdy eńserip, joǵary kórsetkishti baǵyndyrdy. Komandanyń endigi baǵyty Qytaıda ótetin jarysqa qatysý. Ol úshin úlken daıyndyq pen demeýshilerdiń qoldaýy qajet.
Byltyr Indonezııada ótken jarysta Racing Team komandasy «Qaýipsizdik syılyǵyna» ıe bolyp, 3 myń dollar ıelenip qaıtqan bolatyn.
